सरकारलाई शाहीको प्रश्न– संसदमै सहिदकी आमा रुँदा सत्ताको कुर्सीमा कसरी बस्न सक्दै हुनुहुन्छ ?

राप्रपा संसदीय दलका नेता ज्ञानेन्द्र शाहीले जेन–जी सहिदकी आमाले संसदमै रुनुपरेको उल्लेख गर्दै सरकारलाई जिम्मेवारी पूरा गर्न अनुरोध गरेका छन्।

राष्ट्रिय मानव अधिकार आयोगले दोषी किटान गरेर सरकारलाई प्रमाण बुझाएको ६ महिना बितिसकेको उल्लेख गर्दै शाहीले दोषी सबैलाई तत्काल पक्राउ गर्न माग गरे। मंगलबार प्रतिनिधिसभा बैठकमा बोल्दै उनले सरकारलाई प्रश्न गरेका हुन्।

शाहीले भने, ‘जेन–जी आन्दोलनकी सहिदकी आमा रुनुभयो संसदमा । तपाईंले सरकार चलाएको ६ महिना भयो। राष्ट्रिय मानव अधिकार आयोगले को–को दोषी हुन् भनेर तपाईंलाई प्रमाण बुझाएको ६ महिना भयो । अपराधीलाई आजसम्म किन पक्रनुभएको छैन ? पक्रन सक्नुहुन्न भने सत्ताको कुर्सीमा किन बसिरहनुभएको ?’