जेन-जी आन्दोलनका क्रममा डिल्लीबजार कारागारबाट फरार भएका सहकारी ठगी मुद्दाका अभियुक्त चन्द्रबहादुर तामाङ (सिबी लामा) मकवानपुरबाट पक्राउ परेका छन्।
उनी गत भदौमा भएको जेन-जी आन्दोलनमा डिल्लीबजार कारागारबाट फरार भएका थिए।
काभ्रेपलाञ्चोक जिल्ला, तेमाल गाउँपालिका-५ घर भई 'सिबी लामा' नामले परिचित तामाङलाई मकवानपुर जिल्लाको हेटौंडा उपमहानगरपालिका-९ बाट प्रहरीले नियन्त्रणमा लिएको हो।
सहकारी ठगीको कसुरमा पक्राउ परेर उनी पुर्पक्षका लागि थुनामा थिए। पक्राउ परेका तामाङलाई आवश्यक कानुनी कारबाहीका लागि कारागार कार्यालय, भीमफेदी, मकवानपुर पठाइएको छ।
See More On
