क्यानडा पठाउने नाममा २६ जनाबाट साढे दुई करोड ठगी

क्यानडा पठाइदिने प्रलोभन देखाएर २६ जनाबाट करिब दुई करोड ५० लाख रुपैयाँ ठगी गरेको आरोपमा प्रहरीले एकजनालाई पक्राउ गरेको छ।

पक्राउ पर्नेमा कैलालीको लम्कीचुहा नगरपालिका– ६ घर भई हाल काठमाडौंको चन्द्रागिरि नगरपालिका– ५ बस्ने ४६ वर्षीय लहानुराम चौधरी रहेका छन्।

उनलाई वैदेशिक रोजगारीका लागि क्यानडा पठाइदिने भन्दै पीडितहरूबाट रकम असुली गरी सम्पर्कविहीन भएको उजुरीका आधारमा पक्राउ गरिएको प्रहरीले जनाएको छ।