आपराधिक विश्वासघात मुद्दामा पक्राउ परेकी टिकटकर तुल्सा अधिकारी कारागार चलान भएकी छिन्। जिल्ला अदालत, ललितपुरका न्यायाधीश टेकनाथ गौतमको इजलासले उनलाई बिहीबार थुनामा पठाउने आदेश दिएको हो। प्राप्त प्रमाणका आधारमा उनी कसुरदार होइनन् भन्न नमिल्ने भन्दै अदालतले थुनामा पठाउन भनेको हो।
ललितपुरका व्यवसायी कुमार चिमोरियालाई ट्रयापमा पारेर ६ करोड रुपैयाँभन्दा धेरै लिएको अभियोगमा उनीविरुद्ध मुद्दा दायर भएको हो। सो रकम शुद्धीकरण गरेकाे भन्दै सम्पत्ति शुद्धीकरणको मुद्दासमेत दायर भएको थियो। गत शुक्रबार प्रहरीले उनलाई थाइल्यान्डबाट पक्राउ गरी नेपाल ल्याएको हो।
