नेपाल सरकारले खेलुकदतर्फ आगामी आर्थिक वर्षको लागि चार अर्ब तीन करोड बजेट छुट्याएको छ । त्यस्तै, फुटबलका आठ हजार दर्शक क्षमताका मैदानमा १० वटा फ्लड लाइट जोड्ने घोषणा गरेको छ ।
शुक्रबार अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ को बजेटमार्फत यो घोषणा गरेका हुन् ।
त्यस्तै, देशका प्रमुख आठ सहरमा क्रिकेट मैदान बन्ने बनाउने र विराटनगर, सुर्खेत, बुटवल, लहान, धनगढी र पोखरामा दुई हजार क्षमताको इन्डोर कभर्डहल तीन वर्षभित्र बनाउने घोषणा गरिएको छ ।
मूलपानी, गिरिजा प्रसाद र फाल्पाका लागि मोडालिटी बनाउने त्यस्तै, विद्यार्थीलाई विद्यालयबाटै खेलकुदको तालिम दिने र आवकाशप्राप्त खेलाडीलाई आजीवन निःशुल्क स्वास्थ्य उपचार गर्ने घोषणा भएको छ ।
यस्तै, कर्णाली प्रदेशमा आयोजना हुने दशौँ र मधेशमा हुने एघारौँ राष्ट्रिय खेलकुद प्रतियोगिताको पूर्वाधारको लागि बजेट छुट्याएको छ ।
