दोस्रो संस्करणको सिद्धार्थ बैंक नेपाल प्रिमियर लिग (एनपिएल)मा साविक विजेता जनकपुर बोल्ट्सलाई पोखरा एभेन्जर्सविरुद्ध जितका लागि चार ओभरमा ६५ रन आवश्यक छ ।
पोखराले पहिलो ब्याटिङ गरी ६ विकेटको नोक्सानीमा १५५ रनको योगफल खडा गरेको थियो । प्रत्युत्तरमा १५६ रनको लक्ष्य पछ्याएको जनकपुरले १६ ओभरसम्म आठ विकेट गुमाएर ९१ रन जोडेको छ । जनकपुरका लागि क्रिजमा वाने पार्नलले २५ बलमा २३ रन बनाएर खेलिरहेका छन् । उनले समान एक चौका र छक्का प्रहार गरेका छन् ।
जनकपुरको कमजोर ब्याटिङ प्रदर्शनमा विपिन खत्रीले घातक बलिङ गरेका थिए । उनले चार ओभरमा १५ रन खर्चेर चार विकेट लिए । यसैगरी सुमती बर्माले १९ रनमा दुई विकेट हात पारे ।
ब्याटिङमा शून्य रनमा आउट भएका पोखराका कप्तान कुशल भुर्तेलले तीन अोभरमा १३ रन खर्चेर एक विकेट हात पारे । न्युजिल्यान्डका जिमी निसिमले १ ओभरमा ५ रन दिएर एक विकेट आफ्नो नाममा लेखाए ।
जनकपुरको ब्याटिङमा ओपनर माज सादकतले १४ बलमा २० रन, आसिफ सेख ९०० रन, सुभ कंसाकरले चार रन, जान निकोलले २ रन, कप्तान अनिल शाहले एक रन बनाए ।
