नेपाल राष्ट्र बैंकले यसपालिको दसैँमा पनि नयाँ नोटको सटही सुविधा नदिने भएको छ । केन्द्रीय बैंकले यस वर्ष पनि गत वर्षमा जस्तै सुकिला नोटको सटही सुविधा दिने भएको हो ।
राष्ट्र बैंकले विगतका दसैँमा नयाँ नोटको सटही सुविधा दिने गरेको गरेको भए पनि गत वर्षदेखि सुकिला नोट दिन थालेको हो । यो वर्ष आगामी २९ भदौदेखि १० असोजसम्म नोटको सटही सुविधा दिने भन्दै राष्ट्र बैंकले आइतबार सूचना प्रकाशन गरेको छ ।
नेपाल राष्ट्र बैंक, मुद्रा व्यवस्थापन विभाग, थापाथली, प्रदेशस्थित कार्यालय (विराटनगर, जनकपुर, वीरगन्ज, पोखरा, सिद्धार्थनगर, नेपालगन्ज र धनगढी)मा मुद्रा सटही सुविधा पाइनेछ । यस्तै, बैंक तथा संस्थाहरूमा गएर पनि नोट सटही सुविधा पाइने राष्ट्र बैंकको सूचनामा उल्लेख छ ।
See More On
