राष्ट्रिय सभाको शून्य समयमा सांसदहरूले किसानलाई तत्काल मल उपलब्ध गराउनुपर्ने, ज्येष्ठ नागरिकले सहजै भत्ता पाउनुपर्नेलगायत माग गरेका छन् । बैठकमा सांसद गोपीबहादुर सार्की अछामीले प्रतिवर्ष १५ लाख मेट्रिक टन मल आवश्यक भए पनि तीन लाख मेट्रिक टन मात्रै उपलब्ध भएको तथा पाँच लाख मेट्रिक टन मल अवैध रूपमा भित्रिने गरेको भन्दै यस विषयमा गम्भीर हुन सरकारको ध्यानाकर्षण गराए ।
सांसद सुमित्रा बिसीले बर्खायाम सकिन लाग्दा पनि रोपाइँ नसकिएको र प्रतिकिसान २५ किलो मल दिने भनिए पनि नपाएर खाली हात फर्कने गरेको उल्लेख गर्दै स्थायी रूपमा यो समस्या समाधान गर्न सरकारसँग माग गरिन् । सांंसद इन्दिरादेवी गौतमले बेरोजगारीका कारण युवामा मानसिक समस्या बढ्दै गएकाले मानसिक स्वास्थ्य उपचारतर्फ ध्यान दिन आग्रह गरिन् ।
सांसद जगप्रसाद शर्माले आयुर्वेद विज्ञानका हिसाबले नेपाल सम्भावना बोकेको देश भएको र ०२९ सालदेखि त्रिभुवन विश्वविद्यालयले आयुर्वेदिक शिक्षण अस्पताल सुरु गरी उपचार गर्दै आए पनि अहिलेसम्म कुनै दरबन्दी नहुँदा सेवा दिन समस्या भएकाले यसतर्फ ध्यान दिन सरकारसँग माग गरे । सांसद तुलसाकुमारी दाहालले मधेश प्रदेशमा कायमै रहेको दाइजोप्रथा र बालविवाह हटाउन आवश्यक रहेकामा जोड दिए।
सांसद मायाप्रसाद शर्माले ज्येष्ठ नागरिकले उनीहरू बस्दै आएको ठाउँबाट भत्ता लिने वातावरण बनाउन सरकारको ध्यानाकर्षण गराए। सांसद शारदादेवी भट्टले कैलाली कारागारमा भएको घटनाप्रति खेद व्यक्त गर्दै १४० जनाको क्षमता भएको स्थानमा चार–पाँच सय राख्दा यस्तो अवस्था आएको हुनाले देशभरका सबै जेलको स्तरोन्नति गर्न सरकारको ध्यानाकर्षण गराए ।
किसानलाई तत्काल मल उपलब्ध गराउन राष्ट्रिय सभा सांसदकाे माग
सुझावित समाचार
प्रधानमन्त्री बालेनको घोषणा : एनपीएलका आठवटै क्लबका लागि फ्लडलाइटसहितका क्रिकेट रंगशाला निर्माण गरिने
काठमाडौं । नेपाल प्रिमियर लिग (एनपीएल) को विजेता सुदूरपश्चिम रोयल्सलाई बधाई दिँदै प्रधानमन्त्री बालेन्द्र शाह (बालेन) ले नेपाली…
बुवाले बन्चरो प्रहार गर्दा श्रीमती र छोराछोरीको मृत्यु
दैलेखको चामुण्डा बिन्दासैन नगरपालिका–३, पानी खोलामा ३८ वर्षे अम्बर सलामीले बन्चरो प्रहार गरेर गम्भीर घाइते भएका श्र…
मधेशको मुख्यमन्त्रीमा सरोजकुमार यादव नियुक्त
जनकपुरधाम/ मधेश प्रदेशको मुख्यमन्त्रीमा जनता समाजवादी पार्टी (जसपा) नेपालका संसदीय दलका नेता सरोजकुमार यादव नियुक्त भएका छन्। …
नौ वर्षमा उदयपुरका ६ पालिकामा १७२ किलोमिटर सडक कालोपत्रे
दुई गाउँपालिकामा अझै छैन कालोपत्रे सडक उदयपुर- स्थानीय सरकार गठन भएको नौ वर्षमा उदयपुरका आठ स्थानीय तहमध्ये ६ वटामा …
दलको झोला बोक्ने र नेताको चाकडी गर्ने कर्मचारीमाथि कडा कारबाही हुन्छ : गृहमन्त्री
काठमाडौँ । गृहमन्त्री सुदन गुरुङले राजनीतिक दलको पक्षपोषण गर्ने र नेताहरूको चाकडीमा लाग्ने राष्ट्रसेवक कर्मचारीमाथि कानुनबमोजिम…
कांग्रेस देउवा समूहको बागलुङ सभापतिमा सागर छन्त्याल
बागलुङ- कांग्रेस देउवा समूहको बागलुङ सभापतिमा सागर छन्त्याल चयन भएका छन । शुक्रबार भएको जिल्ला अधिवेशनमा छन्त्याल सर्…