युनाइटेड इदी मर्दीको बिक्री प्रबन्धकमा ग्लोबल आइएमई क्यापिटल

मंगलबार, २० साउन, २०८२
डिजिटल संस्करण

युनाइटेड इदी मर्दी एन्ड आरबी हाइड्रोपावरको हकप्रद सेयर निष्कासक तथा बिक्री प्रबन्धकमा ग्लोबल आइएमई क्यापिटल नियुक्त भएको छ । कम्पनीको गत ११ चैतको साधारणसभाले १:१ अनुपातमा हकप्रद सेयर निष्कासन गर्न प्रस्ताव पारित गरेको थियो ।

सोही कार्यका लागि बुधबार एक कार्यक्रमबिच द्विपक्षीय सम्झौता गरी क्यापिटललाई नियुक्त गरिएको हो । सम्झौतापत्रमा युनाइटेड इदी मर्दीका तर्फबाट प्रबन्ध निर्देशक रोशन केसी र क्यापिटलका प्रमुख कार्यकारी अधिकृत मन्दीप लुइँटेलले हस्ताक्षर गरे ।

तीन वर्षदेखि नगद लाभांश तथा बोनस सेयर वितरण गर्दै आएको यस कम्पनीको अधिकृत पुँजी एक अर्ब रहेको छ । हकप्रद निष्कासनपश्चात् कम्पनीको जारी तथा चुक्ता ९२.१६ करोड रुपैयाँ हुने बताइएको छ । हकप्रदबाट प्राप्त रकम अन्य जलविद्युत् परियोजनामा लगानी गर्ने कम्पनीको योजना छ ।

See More On

सुझावित समाचार