प्रधानमन्त्री केपी ओलीले आज सातवटै प्रदेशका मुख्यमन्त्रीहरूसँग ‘एक्सन रुम’बाट छलफल गर्ने भएका छन् । सामाजिक सञ्जाल फेसबुकमा सडक निर्माण भइरहेको भिडियो राखेर विकास निर्माण र आयोजनाहरूको प्रगतिबारे आज सातवटै प्रदेशका मुख्यमन्त्रीहरूसँग ‘एक्सन रुम’बाट छलफल गर्न लागेको उनले बताएका छन् ।
प्रधानमन्त्री ओलीले विकास परियोजना सम्पन्न गरेका ठेकेदारलाई ३० अर्ब भुक्तानी गरिएको उनकाे भनाइ छ। उनले विकास–निर्माणका परियोजना पूरा गरेरै छाड्ने प्रतिबद्धतासमेत व्यक्त गरेका छन् । साथै उनले तिनलाई निर्धारित समयमा सम्पन्न गर्नु सरकारको प्राथमिकता भएको जनाएका छन् ।
प्रधानमन्त्री ओलीले सामाजिक सञ्जाल फेसबुकमा लेखेका छन्, ‘शुभबिहानी ! हाम्रा विकास निर्माण र आयोजनाहरूको प्रगतिबारे सातवटै प्रदेशका मुख्यमन्त्रीहरूसँग एक्सन रुमबाट आज छलफल हुँदै छ। हाम्रो प्राथमिकता छ- थालेको काम सक्ने। विकास परियोजना सम्पन्न गरेका ठेकेदारलाई भुक्तानीसमेत नदिएको विगतको अवस्थाबाट अगाडि बढेर ३० अर्ब बक्यौता भुक्तानी गरेका छौँ। पूर्वाधार निर्माणसम्बन्धी रोकिएका धेरै काम द्रुत गतिमा अगाडि बढेका छन्।’
