पाकिस्तानको उत्तरपश्चिमी खैबर पख्तुनख्वा प्रान्तको कुर्म जिल्लामा भएको साम्प्रदायिक झडपमा ज्यान गुमाउनेको संख्या बढेर ८८ जना पुगेको अस्पताल प्रशासनले जनाएको छ ।
गत बिहीबार पाराचिनार क्षेत्रमा शिया मुसलमान यात्रुहरू बोकेको गाडीमा आक्रमण गर्दा भएको हिंसामा ठुलो हताहत भएको थियो ।
यस आक्रमणले सिया र सुन्नी समुदायबिच साम्प्रदायिक हिंसाको लहर निम्त्याएको छ भने पछिल्ला दिनमा धेरै आक्रमणले मृतकको संख्या अझै बढ्दै गएको छ ।
हाल प्रान्तीय सरकारको प्रतिनिधिमण्डलले प्रभावित जिल्लाको स्थलगत भ्रमण गरी दुवै सम्प्रदायबिच सात दिनका लागि युद्धविराम गर्ने सहमति भएको छ ।
