सुनको मूल्य पाँच सयले वृद्धि

लगातार उकालो लागेको सुनको मूल्य आज पनि वृद्धि भएको छ। तोलामा पाँच सय रुपैयाँले वृद्धि हुँदा सुन हालसम्मकै महँगो  हुन पुगेको छ ।

अन्तर्राष्ट्रिय बजारमा भएको वृद्धिको प्रभाव स्थानीय बजारमा पर्दा सुनको मूल्यमा नयाँ कीर्तिमान कायम भएको हो । नेपाल सुनचाँदी व्यवसायी महासंघका अनुसार बिहीबार प्रतितोला एक लाख ६० हजार सात सय रुपैयाँमा कारोबार भएको छापावाला सुन आजका लागि  एक लाख ६१ हजार दुई सय रुपैयाँ निर्धारण भएको छ ।

चाँदीको मूल्यमा भने कुनै परिवर्तन भएको छैन । महासंघले चाँदीको मूल्य प्रतितोला  एक हजार नौ सय ५५ मूल्य निर्धारण गरेको छ ।