- हाम्रा अधिकांश सडक पहाडी भूभाग हुँदै जान्छन् । पहाडमा बाढी र पहिरो दुवैको समस्या छ । तराईमा बाढीको जोखिम छ । तसर्थ, वर्षामा यात्रा गर्नुअघि केही कुराको ख्याल गर्नुपर्छ ।
- कुन रुट छनोट गर्ने भन्ने प्राथमिकतामा राख्नुपर्छ । त्यो सडकको अवस्था के छ भनेर पूर्वसूचना लिनु राम्रो हुन्छ । अन्यथा, अवरुद्ध सडकमा गएर लामो समय फस्न पनि सकिन्छ ।
- ओभरलोड भएको सवारीसाधनमा चढ्नुहुँदैन । यसले दुर्घटना निम्त्याउन सक्छ । त्यस्ता गाडी देखिएमा ट्राफिकलाई तत्कालै खबर गर्नुपर्छ ।
- सार्वजनिक यातायातमा यात्रा गर्दा चालकसँग गाडीको कन्डिसनबारे पनि बुझ्नु राम्रो हुन्छ । किनकि, हाम्रोमा पुराना गाडी पनि चलिरहेका हुन्छन् । हिलो सडकमा त्यस्ता गाडी फस्ने र दुर्घटना हुने जोखिम रहन्छ ।
- चालकले ट्राफिक अनुशासन पालना गरे/नगरेको ध्यान दिनुपर्छ । यदि गरेको छैन भने सचेत गराउनुपर्छ ।
- वर्षाको समयमा रातिको यात्रा सकभर नगर्नु राम्रो हुन्छ । रातको समय भिजिबिलिटी कम हुन्छ । पहिरो गएको वा सडक बिग्रेको राम्रोसँग देखिँदैन । त्यसैले सकभर दिउँसो यात्रा गर्नु राम्रो हुन्छ ।
- सवारी आफैँ चलाउँदै हुनुहुन्छ भने
- आफ्नो सवारीको कन्डिसन चेकजाँच गरेर, राम्रोसँग मर्मत गरेर मात्र यात्रा थाल्नुपर्छ ।
- सडकको अवस्थाबारे पनि पूर्ण जानकार हुनुपर्छ । मादक पदार्थ वा लागुपदार्थ सेवन गरेर सावारी चलाउनु हुँदैन । पूर्ण रूपमा ट्राफिक नियम पालना गर्नुपर्छ । रातिको समयमा सकभर सवारी चलाउनु राम्रो मानिदैन ।
