गोकर्णेश्वर उपभोक्ता समितिका अध्यक्षलगायत तीनजना घुससहित रंगेहात पक्राउ

बुधबार, २० बैशाख, २०८०
डिजिटल संस्करण

अख्तियार दुरुपयोग अनुसन्धान आयोगले उपभोक्ता समितिका अध्यक्ष, सदस्य र बालुवा डिपो सञ्चालकलाई एक लाख रुपैयाँ घुससहित रंगेहात पक्राउ गरेको छ। 

काठमाडौंको गोकर्णेश्वर नगरपालिका-३ स्थित राजाडिल सडक खण्ड मर्मत तथा निर्माण उपभोक्ता समितिका अध्यक्ष लक्ष्मण अधिकारी, सदस्य मोहनप्रसाद कुइँकेल र बालुवा डिपो सञ्चालक सुशान्त कुइँकेललाई अख्तियारले पक्राउ गरेको हो।

गोकर्णेश्वरमा नगरपालिकाबाट सडक मर्मत तथा निर्माणको काम लिएर ठेक्का लगाएको थियो। ठेकेदारले निर्माण सम्पन्न गरेपछि बाँकी रकम भुक्तानी दिने क्रममा उनीहरूले एक लाख रुपैयाँको चेक घुस लिएको अख्तियारले जनाएको छ। 

नियन्त्रणमा लिएर थप अनुसन्धान भइरहेको अख्तियारले जनाएको छ।

सुझावित समाचार