यस्ता पहिरनले देखाउँछ स्मार्ट

• ब्ल्याक कलरको सुट र ह्वाइट कलरको सर्टलाई युनिभर्सल कम्बिनेसन मानिन्छ । गहुँगोरो स्किन भएकालाई साइनिङ कलर छनोट गर्दा राम्रो देखिन्छ । किनकि, फर्मल ड्रेसअप भनेकै सिम्पल र क्लासिक हो । त्यसैले धेरै टल्कने रङ पनि नछान्नुस् । दिउँसोको समय कुनै इभेन्टमा जाँदै हुनुहुन्छ भने ह्वाइट, लाइट ब्लुजस्ता लाइट कलरका सर्ट छान्नुस् ।
• पाइन्ट कलरको कुरा गर्ने हो भने ब्ल्याक, नेभी ब्लु र ग्रे पाइन्टका लागि सबैभन्दा राम्रा अप्सन हुन् । यी तीन कलर धेरै फर्मल र जेन्टल देखिन्छन् । तपाईंको सर्ट सधैँ पाइन्टभित्र हुनुपर्छ र बेल्ट बाँधेको हुनुपर्छ ।  
• फर्मल ड्रेसमा घडीले तपाईंको व्यक्तित्वलाई खुलाउन मद्दत गर्छ ।  डिजिटल वा स्पोर्टस् घडी होइन, लेदरवाला वा सिम्पल मेटल वाच लगाउनुपर्छ । यसमा जुत्ता र बेल्टको पनि कलर कम्बिनेसन गर्नुपर्छ । 
• बेल्ट र जुत्ताको म्याचिङ हेरिन्छ । तपाईंको बेल्टको कलर जुत्ताको कलरसँग म्याच हुनुपर्छ । जस्तो–  ब्राउन जुत्ता लगाउँदा बेल्ट पनि ब्राउन नै लगाउनुभयो भने राम्रो हुन्छ । क्लासिक फर्मल लुक्सका लागि यो आवश्यक छ । 
• फर्मल पहिरनका लागि जुत्ता अझै महत्वपूर्ण हुन्छ । यसका लागि स्पोर्टस् वा कन्भर्स सुज नभएर छालाका साधारण जुत्ता लगाउँदा राम्रो हुन्छ । मोजा लगाउन नबिर्सनुस् । तपाईंको आउटफिटसँग यसको राम्रो कनेक्टिभिटी हुनुपर्छ । तपाईंले आफ्नो मोजालाई पाइन्टको कलरसँग म्याच गर्नुपर्छ ।
• फर्मल ड्रेसअपमा अझै राम्रो देखिनका लागि कुइनामा तपाईंको सर्टलाई फोल्ड गर्नुस् ।