पैदलयात्रीले यी कुरामा ध्यान दिनुस्

• अनिवार्य सडकपेटी प्रयोग गर्ने । सडकपेटी नभएको अवस्थामा दाहिनेबाट हिँड्ने । सवारी देब्रेबाट हिँड्छ र दाहिनेबाट हिँड्दा सवारी आफूतिर ठक्कर दिन आउने भयो भने सावधान हुन सकिन्छ । 
• रातको समयमा सडक प्रयोग गर्दा चम्किने वा टल्किने लुगा प्रयोग गर्ने । 
• सडक काट्दा सधैँ जेब्राक्रसिङको अनिवार्य प्रयोग गर्ने । 
• आकासे पुल भएको स्थानमा अनिवार्य आकासे पुलको प्रयोग गरी सडक पार गर्ने । 
• सडकमा जथाभावी प्रवेश नगर्ने । 
• सडक प्रयोग गर्दा मलाई सवारीले बचाउनुपर्छ भन्ने सोच नराख्ने, आफैँ सुरक्षित उपाय अपनाउने । 
• जथाभावी सडक प्रयोग नगर्ने र बाटो नकाट्ने ।
• सडक संकेत अनिवार्य पालना गर्ने ।
• सडक बत्ती (ट्राफिक लाइट)को अनिवार्य पालना गर्ने ।
• कानमा हेडफोनको प्रयोग गरेर नहिँड्ने । हेडफोन प्रयोग गर्दा अन्य सवारीले दिएको हर्न सुनिदैन । 
• मादक पदार्थ सेवन गरी नहिँड्ने, यसले निर्णय गर्ने क्षमतामा हानि पुर्याउन सक्छ । 
• बालबालिकालाई सडक प्रयोग गर्न सिकाउने ।