धुलो, धुवाँ र घामको विकिरणले छालाको सुन्दरतामा असर पु¥याउने मात्रै होइन, विभिन्न स्वास्थ्य समस्यासमेत निम्त्याउने गर्छ । हामीले केही सावधानी अपनाउन सक्यौँ भने त्यस्ता समस्यालाई कम गर्न सक्छौँ ।
- अनुहारको छालाको सुरक्षाका लागि सनग्लास र मास्क प्रयोग गर्नुपर्छ । सकेसम्म घरबाट बाहिर निस्कँदा छाता प्रयोग गर्दा छाला डढ्नबाट जोगिन्छ ।
- घरबाहिर निस्कँदा बडीलोसन, सनस्क्रिन क्रिमको प्रयोग गर्नुपर्छ । जसकारण घामले छाला डढ्ने समस्याबाट जोगाउन सक्छ ।
- हामीले सनस्क्रिन लगाउने तरिका पनि जान्नुपर्छ । हामी घरबाट निस्कने वेला मात्रै सनस्क्रिन लगाउँछौँ । तर, घरबाहिर निस्किनुभन्दा १५ मिनेट पहिले सनस्क्रिन लगाउनुपर्छ । हामीले दुई–तीन घन्टा घरबाहिर भएपछि फेरि सनस्क्रिन लगाउनुपर्छ । यसो गर्दा छाला जोगिन्छ ।
- आफ्नो छाला कस्तो प्रकारको हो भन्नेबारे चिकित्सकसँग परामर्श लिएर मात्रै सनस्क्रिन क्रिम र लोसन प्रयोग गर्दा राम्रो हुन्छ ।
- शरीर नुहाएपछि मस्चराइजर क्रिम लगायो भने फाइदा गर्छ ।
- राति सुत्ने वेला अनिवार्य मस्चराइजर क्रिम लगाउनुपर्छ ।
