- वि.सं २o७९ कार्तिक २६ शनिबार
नेपाली चलचित्र ‘सोल अफ द कमाण्डो’को ट्रेलर सार्वजनिक गरिएको छ। शुक्रबार काठमाडौंमा एक कार्यक्रमबीच चलचित्रको ट्रेलर सार्वजनिक गरिएको हो।
खेलाडी राजकुमार राई अभिनित चलचित्र ‘सोल अफ द कमाण्डो’ यसअघि बेलायत र क्यानडामा प्रदर्शन भइसकेको छ। नेपालमा भने पहिलो पटक प्रदर्शनमा आउन लागेको हो। नेपालका विभिन्न स्थानका साथै विदेशी भूमिमासमेत छायांकन गरिएको चलचित्र एक्शन जनारामा निर्माण गरिएको छ।
युवराज राई (वीरबहादुर)द्वारा निर्देशित चलचित्र रवि थापा, धन लिम्बू र मिलन राईले निर्माण गरेका हुन्। एक गोरखा आर्मीको संघर्षलाई चलचित्रको कथावस्तु बनाइएको छ।
राजकुमार राई, कमला खापुङ लिम्बू, सेसुका राई, रवि थापा, मिलन राई, शिशिर वाङदेल, रुपेश झा, नरेन खडका, शर्मिला लिम्बूलगायतले अभिनय गरेको चलचित्र मंसिर २३ गतेबाट नेपालमा रिलिज हुने बताइएको छ।
