- वि.सं २o७९ कार्तिक १२ शनिबार
प्रहरीले दुईपांग्रे सवारीसाधनमा सवार बालबालिका अत्यन्त जोखिममा रहेको जनाएको छ। तीव्र गतिमा गुडेका दुईपांग्रे सवारीसाधन अनियन्त्रित भई दुर्घटना हुने गरेको र त्यसमा सवार बालबालिकाहरू दुर्घटनाको सिकार हुने क्रम बढ्दो रहेको काठमाडौं उपत्यका ट्राफिक प्रहरी कार्यालयले जनाएको हो।
त्यसैले, ट्राफिक प्रहरीले सुरक्षित तवरले बालबालिका राखेर दुईपांग्रे सवारीसाधन नचलाउन सर्वसाधारणमा अनुरोध गरेको छ। काठमाडौं उपत्यका ट्राफिक प्रहरी कार्यालयका सहायक प्रवक्ता अवदेश विष्ट क्षेत्रीले सुरक्षित तवरले सवारीसाधन चलाउन र ट्राफिक नियम पालना गर्न अनुरोध गरेका छन्। प्रहरीको दुर्घटना कम गर्ने अभियानमा सबैबाट सहयोगको अपेक्षा रहेको पनि प्रहरीले आज एक सूचना जारी गरी जनाएको छ।
