- वि.सं २o७९ कार्तिक १ मंगलबार
पाेखरामा जारी नवौँ राष्ट्रिय खेलकुद २०७९ अन्तर्गत म्याराथनमा गण्डकीका अनिश थापामगरले स्वर्ण पदक जित्न सफल भएका छन् । निर्धारित ४२.१९५ किलोमिटरको दूरी दुई घन्टा २२ मिनेट ५४ सेकेन्डमा पूरा गरेर उनले स्वर्ण जितेका हुन् ।
अनिशले प्रतियोगितामा सहभागी अन्य १७ जना खेलाडीलाई पछि पार्दै स्वर्ण जितेका छन् । राष्ट्रिय खेलकुदअन्तर्गत गण्डकीले स्वर्ण पदक जितेको यो पहिलो पटक हो ।
यसैगरी दुई घन्टा २३ मिनेट १४ सेकेन्डमा निर्धारित दूरी पूरा गरेर आर्मीका कृष्ण बस्नेतले रजत र दुई घन्टा ३० मिनेट ५४ सेकेन्डमा दूरी पूरा गरेर एपिएफका सन्तोषविक्रम विष्टले कांस्य पदक जितेका छन् ।
