पछिल्ला केही दिनदेखि काठमाडौं महानगर क्षेत्रमा महानगरको डोजर दौडिरहेको छ । ती डोजरले अवैध रूपमा निर्माण गरिएका संरचना भत्काइरहेका छन् । 

शनिबार सार्वजनिक बिदाको दिन कतै डोजर देखिएनन् । आइतबार बिहानै महानगर पुनः आफ्नो अभियानमा जुट्यो । महानगरले आइतबार बिहान भोटाहिटी–रत्नपार्क अन्डरपासमाथिका संरचना भत्काउन थाल्यो । 

यसपटक डोजरको प्रयोग भएन । महानगर प्रहरी बल हातमा ह्याम्मर लिएर मैदानमा उत्रियो । नगर प्रहरी अन्डरपासमाथि ठेकेदारले अनधिकृत रूपमा बनाएको संरचना भत्काउन थाले ।