पहिरोका कारण बिजुलीको पोल ढल्दा मनाङ जाने एक मात्र बेँसीसहर–चामे सडक अवरुद्ध भएको छ । उक्त सडकअन्तर्गत मर्स्याङ्दी गाउँपालिका– ४ रामबजारमा बिहीबार बिहान सवा ११ बजेदेखि सडक अवरुद्ध भएको डुम्रे–बेँसीसहर–चामे सडक योजना कार्यालयका प्रमुख अच्युतविलास पन्तले जानकारी दिए।

सडकमाथिबाट पहिरो खसेर सडकमा रहेको बिजुलीको पोल ढलेकाले सडक अवरुद्ध भएको हो । सडक अवरुद्ध हुँदा यात्रुहरू अलपत्र परेका छन्। अहिले पहिरो हटाएर सडक खुलाउने प्रयास भइरहेको डुम्रे–बेँसीसहर–चामे सडक आयोजनाले जनाएको छ।