- वि.सं २o७९ असार २९ बुधबार
गोरखामा पहिरोमा पुरिएर एक वृद्धको मृत्यु भएको छ । मंगलबार साँझ ५ बजेतिर जंगलमा दाउरा काट्न गएका सिरानचोक– ६ गैरीगाउँका ८० वर्षीय सुकबहादुर गुरुङको माथिबाट झरेको सुक्खा पहिरोमा पुरिएर मृत्यु भएको प्रहरीले जनाएको छ ।
घटनाको सूचना पाउनेबित्तिकै इप्रका जौबारी र प्रहरी चौकी नयाँसाँगुबाट खटिएका प्रहरीले उद्धार गर्दा गुरुङ मृत्यु भइसकेको अवस्थामा भेटिएको डिएसपी लीलाराज लामिछानेले जानकारी दिए ।
गुरुङको शव पोस्टमार्टमका लागि मंगलबार साँझ गोरखा अस्पताल ल्याइएको प्रहरीले जनाएको छ ।
