- वि.सं २o७९ असार १६ बिहीबार
राप्रपा नेपाल कर्णाली प्रदेश अध्यक्षको जिम्मेवारी ईश्वर श्रेष्ठले पाएका छन् । सुर्खेतमा जारी कर्णाली प्रदेशस्तरीय अगुवा कार्यकर्ता भेलाले प्रदेश अध्यक्षको जिम्मेवारी श्रेष्ठलाई प्रदान गरेको हो । पार्टी अध्यक्ष कमल थापाले श्रेष्ठलाई जिम्मेवारी दिँदै बधाईसहित शुभकामना दिएका छन् ।
अध्यक्ष बनेका श्रेष्ठ पार्टीको केन्द्रीय सदस्य हुन् । नेपाली सेनाबाट सेवानिवृत्त भएपछि राजनीतिमा आएका उनले यसअघि जिल्ला र प्रदेश समितिमा बसी जिम्मेवारी बहन गरिसकेका छन् । प्रदेश अध्यक्षको जिम्मेवारी पाएपछि श्रेष्ठले कर्णाली प्रदेश भौगोलिक रूपमा दुर्गम भए तापनि त्यो चुनौतीलाई पार गर्दै राप्रपा नेपालको बलियो संगठन निर्माण गर्न आफूले कुनै कसर बाँकी नराख्ने प्रतिबद्धता व्यक्त गरे ।
