हाल प्रदेश १, मधेस प्रदेश, बागमती र गण्डकी प्रदेशमा मनसुनी वायुको सामान्य प्रभाव रहेको छ । अन्य प्रदेशका भूभागमा स्थानीय वायुको तथा भारतको उत्तर प्रदेश र बिहारमा रहेकोे पूर्व–पश्चिमी न्यूनचापीय रेखाको प्रभाव छ । 

उक्त मौसमी प्रणालीको प्रभावले प्रदेश १, मधेस र बागमतीमा सामान्यदेखि पूर्ण बदली रही बाँकी भूभागमा आंशिक बदली रहेको छ । प्रदेश १, मधेस र बागमती प्रदेशमा मेघगर्जन, चट्याङसहित हल्कादेखि मध्यम वर्षा भइरहेको छ । रातिको समयमा पनि सोही मौसमी प्रणाली कायम रहने महाशाखाले जनाएको छ ।

राजधानी काठमाडौंमा बिहानैदेखि बदली रहनुका साथै केही स्थानमा हल्का वर्षा भइरहेको छ । आज काठमाडौंको अधिकतम तापक्रम २९.७ र न्यूनतम तापक्रम १९.५ डिग्री सेल्सियस रहेको छ ।