- वि.सं २o७९ जेठ ६ शुक्रबार
मोरङको ग्रामथान गाउँपालिकामा अध्यक्षमा कांग्रेस र उपाध्यक्षमा एमाले उम्मेदवार विजयी भएका छन् । अध्यक्षमा कांग्रेसका जयप्रकाश गच्छदार थारू सात हजार ६ सय ५० मत पाएर विजयी भएका हुन् । उनका निकटतम् प्रतिस्पर्धी एमालेका शिवनारायण माझी थारूले ६ हजार ९३ मत पाए ।
उपाध्यक्षमा एमालेकी गुणावतीदेवी थारू ६ हजार एक सय २३ मत प्राप्त गरी विजयी भइन् । कांग्रेसकी भुखनीकुमारी माझी पाँच हजार चार सय ४८ मत प्राप्त गरी पराजित भइन् ।
