- वि.सं २o८१ बैशाख २० बिहीबार
श्रीमान् एमालेबाट र श्रीमती कांग्रेसबाट चुनाव लडेका थिए
कञ्चनपुरको दोधराचाँदनी नगरपालिकामा एकदम्पती (श्रीमान्–श्रीमती) निर्वाचित भएका छन् । दोधाराचाँदनी नगरपालिका- ७ मा सन्दीप उपाध्याय र कमला उपाध्याय (श्रीमान्–श्रीमती) निर्वाचित भएका हुन् ।
सन्दीप एमालेबाट र कमला कांग्रेसबाट चुनाव लडेका थिए । श्रीमान्–श्रीमती दुवै फरक–फरक पार्टीबाट चुनावमा लड्दा पनि उनीहरूले नै जित हात पारेका छन् ।
एमालेबाट चुनावमा होमिएका सन्दीपले सात सय ५५ र कांग्रेसबाट कमलाले सात सय ९२ मत ल्याएर वडासदस्यमा निर्वाचित भएसँगै उपाध्याय परिवारमा खुसी छाएको छ । सन्दीप जेठी श्रीमतीसँगै वडासदस्यमा निर्वाचित भए भने उनकी कान्छी श्रीमती घरगृहस्थीमा व्यस्त छिन् । उनले दुई विवाह गरेका छन् ।
