Read Time : < 1 मिनेट
२o७९ बैशाख ३१ शनिबार २o:o५:oo
रौतहटको चन्द्रपुर नगरपालिकामा नेपाली कांग्रेसले जितको सुरुवात गरेको छ। नेपाली कांग्रेसले चन्द्रपुर १ का खाता खोल्दै विजयी सुरुवात गरेको हो। चन्द्रपुर नगरपालिका वडा नं १ को मतगणना हुँदा नेपाली कांग्रेसका वडाध्यक्षका उम्मेदवार बलराम राउत विजयी भएका हुन् । उनले २०१० मत ल्याउँदा उनका निकटतम प्रतिद्वन्द्वी नेकपा एकीकृत समाजवादीका वीरु रखालले ११८२ मत ल्याएका थिए।
चन्द्रपुर १ मा बलराम राउत विजय हुँदा नेकपा माओवादी केन्द्रबाट वडाध्यक्षको उम्मेदवार बनेका उनका साख्खे भाइ गणेश राउतले ५८३ मत ल्याउँदै तेस्रो स्थानमा चित्त बुझाउनुपरेको थियो।
चन्द्रपुर १ मा एकीकृत समाजवादीका मेयर उम्मेदवार बाबुराम दाहालले ११ सय ८२ मत ल्याएका छन्। सो वडाबाट माओवादी केन्द्रका हरि पौडेलले ६१३ मत र नेकपा एमालेका मेयर उम्मेदवार शिव आचार्यले २९६ मत ल्याएका छन्।