- वि.सं २o७८ चैत २९ मंगलबार
सत्तारुढ गठबन्धनको तालमेल र दलीय शक्तिको रिपोर्ट पठाउने समय थप भएको छ । यसअघि चैत मसान्तसम्म रिपोर्ट पठाउन भनिएकोमा अब ४ वैशाखसम्मको समय दिइएको छ ।
प्रधानमन्त्रीनिवास बालुवाटारमा मंगलबार साँझ बसेको बैठकले सत्तारुढ पाँचदलीय गठबन्धनको बैठकले आगामी ४ वैशाखभित्र स्थानीय तालमेल र दलीय शक्तिको रिपोर्ट पठाउन स्थानीय संयन्त्रलाई निर्देशन दिएको हो ।
बैठकमा प्रधानमन्त्री एवं कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाललगायत गठबन्धनका सबै दलका शीर्ष नेता सहभागी थिए ।
गठबन्धन दलका शीर्ष नेताहरूले यसअघि देशभर चुनावी तालमेल गर्न अपिल गरेका थिए ।
