- वि.सं २o८१ बैशाख २२ शनिबार
स्कोडा नेपालले पोखराको नयाँ बजारमा सुविधासम्पन्न सोरुम सञ्चालनमा ल्याएको छ । स्कोडा गाडीको नेपालका लागि आधिकारिक विक्रेता एमएडब्लू इन्टरप्राइजेजले पोखरामा स्कोडा कार र एसयुभीको बिक्री–वितरणका लागि एसएसएल मोटर्सलाई डिलर नियुक्त गरेको हो ।
देशभर स्कोडा कारको सहज बनाउन डिलर डेभलपमेन्टलाई प्राथमिकतामा राखेर काम गर्दै आएको कम्पनीले जनाएको छ । यसैअनुरूप एमएडब्लूले पोखरामा युरोपियन मापदण्डको नयाँ सोरुम स्थापना गरेको जनाइएको छ । सोरुमको नाडा अटोमोबाइल एसोसिएसनका अध्यक्ष ध्रुव थापा र स्कोडा नेपालका कार्यकारी निर्देशक रौनक अग्रवालले उद्घाटन गरेका थिए ।
उद्घाटनपछि कार्यकारी निर्देशक अग्रवालले देशभर डिलर विस्तार गर्ने क्रममा पोखरामा पनि सुविधासम्पन्न सोरुम र वर्कसप स्थापना भएको बताए । उनले भने, ‘हामी निरन्तर आफ्नो डिलर नेटवर्क स्थापना गरी देशभर सहज एवं सुलभ रूपमा आफ्ना ग्राहकलाई युरोपियन कारको सहज पहुँच पुर्याउन प्रतिबद्ध छौँ ।’ सोरुम उद्घाटनका अवसरमा फागुन २४ र २५ गते विशेष टेस्ट ड्राइभ कार्यक्रमको आयोजना गरेको एसएसएल मोटर्सका प्रबन्ध निर्देशक सूर्य बरालले जानकारी दिए ।
