2020-02-07-02-55-58.jpeg)
- वि.सं २o७८ पौष ७ बुधबार
ललितानिवास जग्गा हिनामिना प्रकरणमा बिचौलियाको मुख्य भूमिका खेलेका दुईजनालाई पक्राउ गरिएको छ। नेपाल प्रहरीको केन्द्रीय अनुसन्धान ब्युरो (सिआइबी)ले बिचौलिया रामकुमार सुवेदी र उनकी पत्नी माधवी सुवेदीलाई गएराति ताहाचलबाट पक्राउ गरेको हो।
पक्राउ परेका दम्पती सिआइबीको नियन्त्रणमा छन्। ललितानिवासको सरकारी जग्गा हिनामिना प्रकरणमा दम्पतीले तत्कालीन भोगाधिकार सुवर्णशमशेरको परिवार र उनका नातेदारसँग बिचौलियाको भूमिका खेलेको सिआइबीको अनुसन्धानबाट खुलेको छ।
सिआइबीका प्रवक्ता श्यामकुमार महतोले पक्राउ परेका दम्पती ललितानिवासको सरकारी जग्गा हिनामिना प्रकरणका मुख्य व्यक्ति रहेको बताए। उनले पक्राउ परेका दुवैजनामाथि गम्भीर अनुसन्धान भइरहेको र म्याद थप गरेर थुनामा राखिएको बताए। यसअघि नै सिआइबीले उनीहरूकाे खोजतलास गरे पनि उनीहरू फरार थिए।
