- वि.सं २o७८ मङ्सिर २७ सोमबार
प्रमुख सत्तारुढ दल नेपाली कांग्रेसको १४औँ महाधिवेशनअन्तर्गत नयाँ नेतृत्व चयनका लागि जारी मतदानको समय फेरि थप भएको छ । बिहान साढे ११ बजे सुरु भएको मतदान राति साढे ११ बजेसम्मका लागि थपिएको हो । 
सुरुमा साँझ पाँच बजेसम्म मतदान गर्ने समय निर्धारण गरिएको थियो । तर, निर्धारित समयभन्दा साढे ३ घन्टा ढिलो मतदान सुरु भएको थियो । निर्धारित समयमा मतदान नसकिएपछि राति ९ बजेसम्म समय थपिएको थियो । थपिएको समयमा पनि मतदान नसकिएपछि फेरि राति साढे १० बजेसम्म थप गरिएको थियो ।
मुचुल्का उठाएर राति नै मतगणना सुरु गरिने निर्वाचन समितिले जनाएको छ । सुरुमा सभापति पदको मात्रै मतगणना हुनेछ ।
सभापतिमा शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रतिस्पर्धामा रहेका छन् ।
कांग्रेस विधानअनुसार सभापतिका उम्मेदवारले जितका लागि ५० प्रतिशतभन्दा धेरै मत ल्याउनुपर्छ । कुनै पनि उम्मेदवारले ५० प्रतिशतभन्दा बढी मत नल्याए सबैभन्दा बढी मत ल्याउने दुई उम्मेदवारबीच दोस्रो चरणको निर्वाचन हुन्छ । त्यसैले मतदानलगत्तै सुरुमा सभापतिको मतगणना गर्ने कार्यसूची निर्वाचन समितिले बनाएको छ ।
