- वि.सं २o७८ कार्तिक ३० मंगलबार
सत्तारुढ गठबन्धनको उच्चस्तरीय समन्वय समितिले सर्वोच्चको विवादमा यथाशीघ्र निकास हुनुपर्नेमा जोड दिएको छ। समितिका संयोजक रामचन्द्र पौडेलको अध्यक्षतामा सिंहदरबारमा मंगलबार बसेको बैठकले न्यायपालिकाको स्वतन्त्रता, गरिमा, विश्वसनीयता र स्वच्छतालाई कायम राख्ने गरी निकास दिनुपर्ने निर्णय गरेको हो। सम्बन्धित सबै पक्षबाट छिटो निकास दिने पहल हुने आशा समितिको छ।
समितिले राजनीतिक घटनाक्रमको समीक्षा र विश्लेषण पनि गरेको छ। संविधानको प्रभावकारी कार्यान्वयन, राष्ट्रियता र लोकतन्त्रको संवर्द्धनमा जोड दिने निर्णय गरेको छ। 
