- वि.सं २o७८ कार्तिक २३ मंगलबार
देशभर थप पाँच सय ३३ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयले मंगलबार सार्वजनिक गरेको विवरणअनुसार पछिल्लो २४ घन्टामा पिसिआर परीक्षणमा चार सय ४३ र एन्टिजेन परीक्षणमा ९० जनामा संक्रमण देखिएको हो ।
यो अवधिमा १४ हजार नौ सय १८ जनाको पिसिआर परीक्षण र एक हजार आठ सय १८ जनाको एन्टिजेन परीक्षण गरिएको थियो।
हाल देशभर सात हजार ६ सय १२ जना सक्रिय संक्रमित रहेका छन्। मंगलबार चार सय ८४ जना कोरोना संक्रमणमुक्त भएका छन्।
पछिल्लो २४ घन्टामा एकजना संक्रमितको मृत्यु भएको छ। हालसम्म मृत्यु हुने संक्रमितको संख्या ११ हजार चार सय ५४ पुगेको छ।
