- वि.सं २o७८ कार्तिक १४ आइतबार
व्यावसायिक रूपमा लगाइएका सयपत्री फूल ढकमक्क भएका छन्। काठमाडौं आसपासका किसानहरूले तिहारलाई लक्षित गरी सयपत्री लगाएका थिए। फूल फुलेसँगै किसानहरूले बजारसम्म ल्याउन थालेका छन्। सयपत्री फूल माला तथा थुंगाको रूपमा बिक्री हुन्छ। तिहारको वेलामा उपत्यकालगायत देशभर सयपत्री, गोदावरी र मखमली फूलको खपत बढ्छ। यो वर्ष तिहार आउन केही दिन बाँकी छँदै फूल फुलेपछि किसानहरू निरास छन्। छिटो फुलेका फूल भण्डारण गर्ने स्टोरसमेत नभएका कारण तिहारसम्म फूल ओइल्याउन सक्ने किसानहरूको भनाइ छ।
