- वि.सं २o७८ कार्तिक १२ शुक्रबार
दाङको तुल्सीपुरबाट ‘हाइप्रोफाइल’का जुवाडे पक्राउ परेका छन् । जिल्ला प्रहरी कार्यालय दाङका प्रहरी उपरीक्षक सुरेश काफ्लेका अनुसार दीपेन्द्र गिरी‘दिपु’,मिनकेतन गिरी,सुरेन्द्र हमाल,विवेक मल्ल, दिगम्बर गिरी,मानबहादुर रावतलगायत ८ जना पक्राउ परेका हुन् ।
पक्राउ परेकाहरूमा सञ्चार उद्यमी तथा एमाले र कांग्रेसका जिल्लास्थित नेताहरू पनि छन् । तीमध्ये केही पटक–पटक जुवाको खालबाट पक्राउ परेका व्यक्तिहरू रहेकोसमेत प्रहरीले बताएको छ। तुल्सीपुर उपमहानगरपालिका वडा नं. ६ स्थित रजौराबाट उनीहरूलाई पक्राउ गरिएको हो । उनीहरूको साथबाट एक लाख ९८ हजार दुई सय रूपैयाँ र कौडा बरामद गरिएको छ । उनीहरूलाई शुक्रबार अपराह्न पौने ४ बजेतिर पक्राउ गरिएको हो।
