- वि.सं २o७८ कार्तिक ७ आइतबार
ग्लोबल आइएमई बैंक लिमिटेडले ग्राहकलाई बचत खातामा उच्च ब्याजदर प्रदान गर्ने उद्देश्यले ‘ग्लोबल आइएमई हाइब्रिड बचत खाता’ सञ्चालनमा ल्याएको छ । बैंकले नयाँ हाइब्रिड बचत खातामा एक लाख रुपैयाँ बचत पुगेपछि उक्त बचत स्वतः मुद्दतीमा परिणत हुने सुविधा ल्याएको हो ।
यस बचत खाताको समयावधि ग्राहकको इच्छाअनुसार एक वर्षदेखि पाँच वर्षसम्मको रहने तथा मुद्दतीमा परिणत भएको रकमको बैंकले मुद्दती खातामा प्रकाशित गरेको उच्चतम ब्याजदर कायम हुने जनाइएको छ ।
नयाँ हाइब्रिड बचत खातावाल ग्राहकहरूले एक वर्षसम्मका लागि मोबाइल बैंकिङ सेवा, इन्टरनेट बैंकिङ सेवा तथा भिजा डेबिट कार्डको सुविधा निःशुल्क रूपमा प्राप्त गर्ने बैंकले जनाएको छ ।
