- वि.सं २o७८ श्रावण २७ बुधबार
भारतबाट नेपाली नोट लिएर आएका एक भारतीय नागरिक पक्राउ परेका छन् । सशस्त्र प्रहरी बल ३५ नम्बर गण शैलेश्वरीको टोलीले कञ्चनपुरको डोकेबजार नाकाबाट भारतीय नागरिक रजिनिस कुमारलाई पक्राउ गरेको हो ।
सशस्त्र प्रहरी बल शैलेश्वरी गणका गणपति सशस्त्र प्रहरी उपरीक्षक वीरेन्द्र ऐरकाे टाेलीले साहजहाँपुर मोहल्ला बस्ने ४१ वर्षीय रजिनिस कुमारको साथबाट स्रोत नखुलेको ६ लाख एक हजार पाँच सय रुपैयाँ बरामद गरेको छ ।
पक्राउ परेका कुमारसहित नेपाली नोटलाई कारबाहीका लागि त्रिनगर कैलाली भन्सारमा पठाइएको छ । उक्त नेपाली नोट सक्कली वा नक्कली भएकोबारे यकिन गरिएको छैन ।
