मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ कार्तिक ७ आइतबार
  • Sunday, 24 October, 2021
नयाँ पत्रिका काठमाडौं
२०७८ श्रावण २६ मंगलबार १२:४४:००
Read Time : < 1 मिनेट
समाचार डिजिटल संस्करण

महाकवि देवकोटाको घर भत्काएविरुद्धको रिट सुनुवाइ हुँदै 

Read Time : < 1 मिनेट
नयाँ पत्रिका, काठमाडौं
२०७८ श्रावण २६ मंगलबार १२:४४:००

महाकवि लक्ष्मीप्रसाद देवकोटाको पुरानो घर भत्काएकोविरुद्ध सर्वोच्च अदालतमा सुनुवाइ हुने भएको छ। अधिवक्ता सञ्जय अधिकारीले दर्ता गरेको रिटमाथि मंगलबार न्यायाधीश हरिकृष्ण कार्कीको  एकल इजलासमा सुनुवाइ तोकिएको हो। 

रिटमा अहिलेसम्म भत्काइएको संरचनालाई थप क्षति नपुर्‍याउन अन्तरिम आदेश माग गरिएको छ। साथै भत्काएर नयाँ बनाउन लागिएको संरचनामा त्रुटि रहेको र तयार भएको डिजाइनअनुसारको संरचनाले मौलिकता जोगाउन नसक्ने जिकिर गरिएको छ। 

रिटमा ०७२ को भूकम्पका कारण क्षतिग्रस्त बनेका सम्पदा पुनर्निर्माणको उदाहरणसहित देवकोटाको घरको मौलिकता नमासिने गरी बनाउन आदेश माग गरिएको छ। 

रिटमा नेपाल प्रज्ञा प्रतिष्ठानसमेतलाई विपक्षी बनाइएको छ। प्रज्ञा प्रतिष्ठानले नयाँ भवन बनाएर संग्रहालय निर्माण गर्ने योजनाअनुसार करिब ८० वर्ष पुरानो घर भत्काएको बताउँदै आएको छ।