- वि.सं २o७८ जेठ ३१ सोमबार
काठमाडौं महानगरपालिकाले रोकिएको खोप कार्यक्रम पुनः सञ्चालन गर्ने भएको छ । २८ जेठमा छुटेका ६१ वर्ष र २९ गते छुटेका ६० वर्ष उमेर समूहका व्यक्तिलाई खोप दिन लागिएको हो ।
ती उमेर समूहका व्यक्तिलाई ३१ जेठ र १ असारमा दुई दिन खोप लगाउने कार्यक्रम रहेको महानगरले जनाएको छ । ‘६० देखि ६१ वर्ष उमेर समूहका छुटेका व्यक्ति र स्वास्थ्य मन्त्रालयले तोकेको व्यक्तिलाई खोप लगाउन लागेका हौँ । मन्त्रालयले भनेअनुसार हामीले वडाहरूलाई परिपत्र गरेका छौँ,’ महानगरका प्रवक्ता ईश्वरमान डंगोलले भने ।
