निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ जेठ १३ शुक्रबार
  • Friday, 27 May, 2022
२०७८ बैशाख ३० बिहीबार २१:२५:००
Read Time : < 1 मिनेट
मुख्य समाचार डिजिटल संस्करण

सर्लाहीमा प्रहरी सिकारीबीच दोहोरो भिडन्त : तीन थान भरुवा बन्दुकसहित एक पक्राउ

Read Time : < 1 मिनेट
२०७८ बैशाख ३० बिहीबार २१:२५:००

सर्लाहीको ईश्वरपुरस्थित सागरनाथ जंगलमा प्रहरी र सिकारी समूहबीच दोहोरो भिडन्त भएको छ । बिहीबार  ईश्वरपुर नगरपालिका– ४  सागरनाथ वन विकास परियोजनाको जंगल क्षेत्रमा गस्तीमा रहेको प्रहरी र बन्दुकधारी सिकारीहरूबीच गोली हानाहान भएको हो । गोली फायरिङ गरेर प्रहरीले एकजना सिकारी र तीन थान भरुवा बन्दुकसमेत बरामद गरेको जिल्ला प्रहरीका प्रमुख प्रहरी उपरीक्षक सन्तोषसिंह राठौरले जानकारी दिए । 

उक्त स्थानमा पछिल्लो समय अवैध गतिविधि बढेको आशंकामा प्रहरी गस्ती बढाएको जिल्ला प्रहरीका एसपी राठौरको भनाइ थियो । सोही क्रममा इलाका प्रहरी कार्यालय ईश्वरपुरबाट प्रहरी निरीक्षक जनकराज ढुंगानाको कमान्डमा खटिएको प्रहरी गस्ती टोली र हतियारधारी सिकारीहरूबीच गोली हानाहान भएको हो । 

प्रहरी उपरीक्षक राठौरका अनुसार प्रहरी गस्ती टोलीलाई शंका लागेर जंगलमा पुग्दा चारजनाको समूहमा रहेका हतियारधारी समूहले गोली चलाएको र प्रहरीले जवाफी कारबाही गरेको हो । उनका अनुसार घटनामा कुनै मानवीय क्षति भएको छैन । प्रहरीले फायर खोल्दै अघि बढेपछि हतियारधारी समूह हतियार छोडेर भागेकाे छ । भाग्ने क्रममा प्रहरीले ईश्वरपुर नगरपालिका– ४ का ४० वर्षका रणबहादुर गोलेलाई पक्राउ गरेको हो । फरार अन्य तीनजनाको खोजी तीव्र पारिएको प्रहीले जनाएको छ ।