निर्वाचन आयोगले १७ जेठमा लुम्बिनी प्रदेशमा हुने राष्ट्रिय सभा सदस्य उपनिर्वाचनका लागि निर्वाचन अधिकृत तोकेको छ । आयोगको सोमबार बसेको बैठकले दाङ जिल्ला अदालतका जिल्ला न्यायाधीश रितेन्द्र थापालाई नियुक्त गरेको हो । 

आयोगका अनुसार राष्ट्रिय सभा सदस्यको उपनिर्वाचनका लागि राष्ट्रिय सभा सदस्य निर्वाचन ऐन, २०७५ को दफा ७ बमोजिम न्यायपरिषद्को परामर्शमा प्राप्त नामावलीका आधारमा थापालाई २८ वैैशाखबाट लागू हुने गरी निर्वाचन अधिकृत पदमा नियुक्त गरिएको आयोगका सहसचिव एवं प्रवक्ता राजकुमार श्रेष्ठले जानकारी दिए ।