- वि.सं २o७८ बैशाख २७ सोमबार
प्रधानमन्त्री केपी ओलीले विश्वासको मत प्राप्त नगरे नयाँ सरकारका लागि कांग्रेस र माओवादी केन्द्रले दाबी गर्ने भएका छन् । संसद् बैठक सुरु हुनअघि सिंहदरबारस्थित कांग्रेस संसदीय दलको कार्यालयमा कांग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डबीच भएको छलफलमा प्रधानमन्त्री ओलीले विश्वासको मत नपाए धारा ७६ (२) अनुसार नयाँ सरकार गठनमा दाबी गर्ने सहमति भएको हो ।
बैठकमा सहभागी कांग्रेसका प्रमुख सचेतक बालकृष्ण खाणले ओलीले विश्वासको मत प्राप्त नगरेको खण्डमा राष्ट्रपतिले धारा ७६ (२) अनुसार बहुमतको सरकार निर्माणका लागि आह्वान गर्ने र त्यसमा आफूहरूले दाबी गर्ने समझदारी भएको बताए । बाँकी निर्णय विश्वासको मतको परिणाम आएपछि गर्ने सहमतिसमेत भएको उनको भनाइ छ ।
