पूर्वजनमुक्ति सेना नेपाल प्रतिनिधिसभा विघटनविरुद्ध सडकमा

पूर्वजनमुक्ति सेना नेपालले प्रतिनिधिसभा विघटनविरुद्ध सडक संघर्ष थालेको छ । आइतबार माइतीघर मण्डलामा धर्ना दिएका पूर्वजनमुक्ति सेनाले २२ माघमा नेकपाको युवा ¥यालीमा सहभागी हुने र २३ देखि २७ माघसम्म आन्तरिक भेला, प्रतिक्षण र संगठन विस्तार गर्ने कार्यक्रम गर्ने निर्णय गरेका छन् । 

प्रतिगामी कदमको विरुद्धमा शान्तिपूर्ण रूपमा सशक्त संघर्ष गर्न एक सय तीन सदस्यीय केन्द्रीय समिति गठन गरिएको अध्यक्ष सुवास गौतमले जानकारी दिए । केन्द्रीय समितिको आइतबारको बैठकले केन्द्रीय उपाध्यक्षमा दीपक ढुंगाना र प्रदीप बोहरालाई चयन गरेको छ । 

गणतन्त्र ल्याउन रगत, पसिना बगाएको जनमुक्ति सेना उपलब्धि मासिन लागेको वेला चुप बस्न नसक्ने उनले बताए । असंवैधानिक कदम खारेज हुनुपर्ने, भ्रष्टाचार र अनियमितता अन्त्य हुनुपर्ने, घाइतेहरूको उपचारको ग्यारेन्टी गर्नुपर्ने, जनमुक्ति सेनालाई गणतान्त्रिक योद्धा घोषणा गर्नुपर्ने, घाइते र सहिद परिवारका लागि एक घर–एक रोजगार दिनुपर्ने, बहिगर्मित जनमुक्ति सेनालाई दिने भनेको रकम छिटो दिनुपर्नेलगायतका माग उनीहरूको छ ।