- वि.सं २o७७ माघ १४ बुधबार
लामो समयदेखि वीर अस्पतालमा अनशनरत गोरखाकी गंगामाया अधिकारीलाई भेट्न बुधबार गृहसचिव महेश्वर न्यौपानेको टोली पुगेको छ । सचिव न्यौपाने, कानुन मन्त्रालयका सचिव ऋषि राजभण्डारी र प्रहरी महानिरीक्षक शैलेश थापा क्षेत्री अस्पताल पुगेका हुन् ।
वीर अस्पताल पुगेर सचिव न्यौपानेले उनको उपचारबारे जानकारी लिएको गृह मन्त्रालयका सहायक प्रवक्ता प्रेमलाल लामिछानेले बताए । छोराका हत्यारालाई कारबाहीको माग गर्दै अधिकारी अनशन बस्दै आएकी छिन् ।
स्वास्थ्य अवस्था नाजुक भएकी उनको वीरमा उपचार हुँदै आएको छ । उनको मागबारे समेत सचिव न्यौपानको टोलीले जानकारी लिएको थियो ।
