- वि.सं २o७७ पौष १५ बुधबार
नेकपाका दुवै समूहले काठमाडौंमा आ–आफ्नो समूहको समानान्तर बैठक गरिरहेका छन् ।
ओली समूहको सुदूरपश्चिमका अगुवा कार्यकर्ताको भेला अहिले बबरमहलस्थित कार्की बैंक्वेटमा चलिरहेको छ जहाँ प्रधानमन्त्री केपी ओली सहभागी छन् । उनले यस भेलालाई सम्बोधन गर्नेछन् ।
यही बैंक्वेटमा केही दिनअघि भएको प्रचण्ड–नेपाल समूहको केन्द्रीय कमिटी बैठकले अध्यक्ष ओलीमाथि कारबाही गर्ने निर्णय गरेको थियो ।
त्यसैगरी पेरिसडाँडास्थित पार्टी कार्यालयमा प्रचण्ड–नेपाल समूहले महिला संघको बागमतीस्तरीय भेला गरिरहेको छ । जहाँ नेता झलनाथ खनालले सम्बोधन गरेका छन् ।
उनले प्रधानमन्त्री स्वेच्छाचारी भएर एकलौटी ढंगले अघि बढेकाले यस्तो अवस्था आएको बताए ।
उनले संसद् विघटन गर्न नसक्ने अवस्थामा गैरसंवैधानिक तरिकाले विघटन गरिएको आरोप पनि प्रधानमन्त्रीमाथि लगाए ।
