- वि.सं २o७७ पौष ११ शनिबार
ताप्लेजुङस्थित नेपाल कै प्रसिद्ध तीर्थस्थल पाथीभरा क्षेत्रको जंगलमा भीषण आगलागी भएको छ । मन्दिरको बाहिर हुँदै मन्दिरआसपास क्षेत्रमा आगो पुग्न लागेको छ । पाथीभराको मन्दिर क्षेत्र नै जोखिममा परेको छ ।
नेपाली सेना, सशस्त्र प्रहरी, जनपद प्रहरीसहितको ६५ जनाको टोली आगो नियन्त्रणमा खटिएको पाथीभरा क्षेत्रमा रहेको प्रमुख जिल्ला अधिकारी झरेन्द्रप्रसाद चापागाईंले बताए ।
भिरमा लागेको हुनाले आगो नियन्त्रमा आउन नसकेको उनले बताए । पाथीभरा क्षेत्रमा पानीको अभाव भएका कारण पनि आगो नियन्त्रणमा समस्या भएको उनले बताए ।
जिल्ला विपद् व्यवस्थापन समितिका संयोजकसमेत रहेका प्रजिअ चापागाइर्लें प्रयास गरे पनि अहिलेसम्म आगो नियन्त्रणमा आउन नसकेको बताए । उनले पाथीभरामा रहेका तीर्थयात्री तथा पुजारीहरूलाई समेत सुरक्षित ठाउँमा लगिएको बताए ।
