एभरेष्ट बैंक लिमिटेडले काभ्रेको पाँचखाल नगरपालिकाका कृषकलाई कृषि ऋण प्रदान गर्नेसम्बन्धी सम्झौता गरेको छ । बैंकले २५औँ वार्षिकोत्सवको अवसर पारेर पाँचखान नगरपालिकासँग नेपाल राष्ट्र बैंकको निर्देशिकाअनुसार सहुलियतपूर्ण ब्याजदरमा कृषि ऋण उपलब्ध गराउने सम्झौता गरेको हो ।

सम्झौतामा बैंकका प्रमुख कार्यकारी अधिकृत जिके नेगी र पाँचखाल नगरपालिकाका मेयर महेश खरेलले  हस्ताक्षर गरेका थिए । बैंकले ७ वटै प्रदेशमा ९८ शाखा, ३० राजस्व संकलन काउन्टर तथा १ सय २९ एटिएममार्फत सेवा दिइरहेको जनाएको छ ।