लमजुङ प्रहरीले सुन्दरबजार नगरपालिका– ५ गहतेमा अवैध रूपमा ट्याक्टरमा लोड गरी राखिएको सालको काठ बरामद गरेको छ । गहतेमा काठ लोड गरी राखिएकाा दुईवटा ट्याक्टर नियन्त्रणमा लिएर चेकजाँच गर्दा ७३ क्युफिट सालका काठ अवैध रूपमा भेटिएको प्रहरीले जनाएको छ ।
इलाका प्रहरी कार्यालय सुन्दरबजारबाट प्रहरी नायव निरीक्षक पर्शुराम जोशीको नेतृत्वमा खटिएको पाँचजनाको टोलीले चेकजाँच गर्ने क्रममा ग.१त ६३११ नम्बर र लु.३त ६८४६ नम्बरको ट्याक्टरमा अवैध काठ भेटिएको जिल्ला प्रहरी कार्यालय लमजुङका प्रमुख डिएसपी गंगाबहादुर थापाले बताए ।
प्रहरीले बरामद गरेकाे काठ र ट्याक्टर आवश्यक कारबाहीका लागि सवडिभिजन वन कार्यालय सुन्दरबजार बुझाइएकोे डिएसपी थापाले बताए । अवैध तरिकाले काठ ओसारपसार गरेको देखिएमा वन ऐनअन्तर्गत कारबाही हुने सवडिभिजन वन कार्यालय सुन्दरबजारले जनाएको छ ।