Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ कार्तिक ६ बिहीबार
  • Thursday, 22 October, 2020
ad
एजेन्सी
२०७७ असोज १४ बुधबार १४:०५:००
अर्थ

भारतीय अर्बपति मुकेश अम्बानीले लकडाउनमा समेत प्रतिघन्टा ९० करोड कमाए 

एजेन्सी
२०७७ असोज १४ बुधबार १४:०५:००

गत साता रिलायन्स उद्योगका मालिक अनिल अम्बानीले आफूसँग सम्पत्तिको नाममा केवल एउटा कार मात्र रहेको दाबी गरेका थिए । यति मात्रै होइन, अदालतमा चलिरहेको मुद्दाहरूमा बहस गरेबापत वकिलको शुल्क तिर्नसमेत श्रीमतीको गहना बेचेको उनले बताएका थिए । केही वर्षअघिसम्म विश्वकै धनी व्यक्तिको शीर्ष दशभित्र रहेका अनिल एक दशकमा यसरी टाट पल्टिएका छन् । उनलाई भारतमा अर्बपति कंगालसमेत भन्न थालिएको छ । १२ वर्षअघि अर्थात् सन् २००८ मा अनिलसँग ४२ अर्ब डलर सम्पत्ति थियो । 

हिजो मंगलबार अम्बानी परिवारसँग जोडिएर एउटा समाचार आएको छ । जहाँ अनिलका दाजु अर्थात् भारतका सबैभन्दा धनी व्यक्ति मुकेश अम्बानीले लकडाउनमा मात्रै कति सम्पत्ति थपे भनेर । भारतीय एजेन्सीहरूका अनुसार लकडाउनका वेला पनि मुकेशले व्यापारबाट प्रतिघन्टा ९० करोड भारु आर्जन गरेका छन् । 

भारतको आइआइएफए वेल्थ म्यानेजमेन्ट लिमिटेडले सार्वजनिक गरेको रिपोर्टअनुसार सन् २०२० मा भारतका सबैभन्दा धनी व्यक्ति मुकेश अम्बानी हुन् । २१ अगस्टसम्म उनले आफ्नो सम्पत्तिमा एक हजार करोड भारु जम्मा पारेका छन् ।

भाइ कंगाल भए पनि दाजु मुकेशले आफ्नो व्यापार–व्यवसाय बढाएका छन् । उनले लगानी गरेको कुनै पनि कम्पनी कोरोना महामारीमा पनि घाटामा गएका छैनन् । मुकेशलाई सबै कम्पनीले मालामाल गराएका छन् । भारतको सबैभन्दा मूल्यवान कम्पनी रिलाइन्स इन्डस्ट्रीका अध्यक्ष मुकेशको कुल सम्पत्ति ६ लाख ५८ हजार चार सय करोड भारु रहेको छ ।
पछिल्लो १२ वर्षमा उनको सम्पत्तिको आँकडा पनि बढेको छ । यो समयमा उनको सम्पत्ति ७३ प्रतिशतले वृद्धि भएको आइआइएफएले जनाएको छ । ६३ वर्षीय मुकेश अम्बानीले अगस्ट महिनामा सबैभन्दा धेरै धन आर्जन गरेका थिए । यो महिनामा उनको प्रतिदिनभन्दा पनि प्रतिघन्टा ९० करोड भारु आम्दानी गरेको उल्लेख छ । 

यो तथ्यअनुसार उनी अहिले विश्वकै चौथो धनी व्यक्ति बनेका छन् । भारतमा मुकेशपछि हिन्दुजा बन्धु दोस्रो धनी व्यक्ति हुन् ।